स्वामी समर्थांच्या पालखीचे भव्य स्वागत

बेळगाव : अक्कलकोट येथील श्री स्वामी समर्थ अन्नछत्र मंडळ यांच्यातर्फे बुधवारी बेळगाव परिसरात पालखी प्रदक्षिणा करण्यात आली. समर्थ आराधना केंद्र, त्रिमूर्ती कॉम्प्लेक्स, महाद्वार रोड येथे पालखीचे स्वागत करण्यात आले. पालखीचे स्वागत उपमहापौर आनंद चव्हाण, नगरसेवक नितीन जाधव, नगरसेविका नेत्रावती भागवत,पायोनिअर बँकेचे चेअरमन प्रदीप अष्टेकर, व्हाईस चेअरमन सुवर्णा शहापूरकर, मराठा बँकेचे चेअरमन बाळाराम पाटील, व्हाईस चेअरमन शेखर हंडे, दैवज्ञ बँकेचे व्हाईस चेअरमन मंजुनाथ शेट, सार्वजनिक वाचनालयाचे अध्यक्ष अनंत लाड, अनिल शहा, सी. के. पाटील, राजेंद्र कागवाड, भाऊ मंडोळकर, मारुती कडोलकर, विजया चौगुले, लक्ष्मी पाटील यांच्या उपस्थितीत झाले. महाद्वार रोड येथे पूजा झाल्यानंतर तानाजी गल्ली, भांदूर गल्ली, हेमू कलाणी चौक, शेरी गल्ली, शनि मंदिर, फुलबाग गल्ली,तानाजी गल्ली अशी पालखी प्रदक्षिणा करण्यात आली. पालखीच्या अग्रभागी हंदिगनूर येथील भजनी मंडळाचे सदस्य उपस्थित होते. रात्री सर्वांसाठी महाप्रसादाचे आयोजन करण्यात आले होते. यावेळी स्वामी समर्थ आराधना केंद्राचे नारायण पाटील, सुनील चौगुले, विकास मजुकर, संजीव बर्डे, राजेश गोजगेकर, संजू हिशोबकर यांच्यासह इतर उपस्थित होते.