सिल्व्हर महोत्सवाचे थाटात उद्घाटन

बेळगाव : अधिक मासाचे औचित्य साधून उद्योजिका शुभांगी जिनगौडा यांनी भरविलेल्या ‘सिल्व्हर महोत्सवा’चे उद्घाटन शुक्रवारी करण्यात आले. मंगळवारपेठ येथील पिंक व्हरांडा येथे हा महोत्सव आयोजित करण्यात आला आहे. शुक्रवारी सकाळी डॉ. आसावरी संत व डॉ. सावित्री दो•ण्णावर यांच्या हस्ते या महोत्सवाचे उद्घाटन करण्यात आले. या महोत्सवात शुद्ध चांदीपासून तयार केलेल्या बांगड्या, नेकलेस, अंगठी, कर्णफुले, तोडे, ब्रेसलेट, दुपदरी व पाच पदरी हार यांचा समावेश आहे. तसेच अधिक मासाच्या निमित्ताने जावयाला वाण देताना मुलींना जोडवी देण्याची प्रथा असल्याने व या महिन्यात महिला प्रामुख्याने जोडवी खरेदी करत असल्याने विविध प्रकारच्या जोडव्यांचाही समावेश आहे. या शिवाय समई व देवदेवतांच्या चांदीच्या मूर्ती उपलब्ध आहेत. शुभांगी यांचे हे नववे प्रदर्शन असून आता बेळगाव बरोबरच बाहेरील शहरांमधूनही त्यांच्या दागिन्यांना मागणी आहे. अल्पावधीत त्यांनी आपल्या व्यवसायात उत्तम जम बसविल्याबद्दल उद्घाटकांनी गौरवोद्गार काढून त्यांना शुभेच्छा दिल्या. याप्रसंगी सुशिला जिनगौडा, राजेश्वरी संबरगीमठ, नेहा दो•ण्णावर, प्रेरणा मुचंडी, मृदुला हंजी, दीपाली हंजी, दीपाली  पाटील, दीपा अडके, शकुंतला बाडन आदी उपस्थित होत्या.