पाचगाव वार्ताहर
नेत्यांचे कार्यकर्त्यांकडे होत असलेल्या दुर्लक्षाला कंटाळून महाडिक गटामधून आमदार सतेज पाटील यांच्या नेतृत्वाखाली काँग्रेस गटात शनिवारी कार्यकर्त्यांसह जाहीर प्रवेश करणार असल्याचे मोरेवाडी चे ग्रामपंचायत सदस्य आशिष पाटील जाहीर केले.
सुमारे 17 वर्षांपासून आपण महाडिक यांच्याशी एकनिष्ठ राहिलो. नागरिकांच्या समस्या सोडवण्यासाठी आपण अहोरात्र प्रयत्न केले यामुळेच आपण तीन वेळा ग्रामपंचायत सदस्य म्हणून निवडून आलो. मात्र दक्षिण मतदार संघातील नेत्यांचे कार्यकर्त्यांकडे होत असलेल्या दुर्लक्षामुळे आपण भाजपा व महाडिक गटामधून कार्यकर्त्यांसह आमदार सतेज पाटील यांच्या नेतृत्वाखाली काँग्रेसमध्ये शनिवारी जाहीर प्रवेश करणार असल्याचे आशिष पाटील यांनी सांगितले.
विद्यमान ग्रामपंचायत सदस्य श्रेयस कोरवी, माजी ग्रामपंचायत सदस्य नियाज नदाफ, साक्षी प्रवीण भोसले, स्नेहल हेमंत पाटील, हेमंत पाटील यांच्यासह कार्यकर्त्यांसह शनिवारी आशिष पाटील आमदार सतेज पाटील ,आमदार ऋतुराज पाटील यांच्या उपस्थितीत काँग्रेसमध्ये प्रवेश करणार आहेत.
मोरेवाडी मध्ये 15 ग्रामपंचायत सदस्य व एक लोकनियुक्त सरपंच पद आहे. विद्यमान ग्रामपंचायत सदस्य आशिष पाटील आणि श्रेयस कोरवी यांच्या काँग्रेस प्रवेशामुळे मोरेवाडी ग्रामपंचायत मध्ये 14 ग्रामपंचायत सदस्य आणि सरपंच पद हे काँग्रेस गटाकडे तर केवळ एक सदस्य भाजप गटाचा राहणार आहे. आशिष पाटील यांच्या काँग्रेस प्रवेशामुळे मोरेवाडी येथे महाडिक गटाला मोठा धक्का बसला आहे.
