एसकेई सोसायटीमध्ये कार्यक्रम
बेळगाव : एसकेई सोसायटी संचालित राणी पार्वती देवी व गोविंदराम सक्सेरिया सायन्स कॉलेजला स्वायत्ततेचा दर्जा मिळाला आहे. याचा उद्घाटन समारंभ सोमवार दि. 29 जुलै रोजी सकाळी 11 वाजता जीएसएस कॉलेजच्या के. एम. गिरी सभागृहात होणार आहे. यावेळी प्रमुख पाहुणे म्हणून बिहारचे राज्यपाल राजेंद्र आर्लेकर यांना निमंत्रित करण्यात आले आहे. याशिवाय राणी चन्नम्मा विद्यापीठाचे कुलगुरु प्रा. सी. एम. त्यागराज, याच विद्यापीठाच्या कुलसचिव राजश्री जैनापुरे हे निमंत्रित उपस्थित राहणार असून एसकेईचे चेअरमन डॉ. किरण ठाकुर अध्यक्षस्थानी असतील.
राजेंद्र आर्लेकर यांचा परिचय
भारतीय राजकारणामध्ये राजेंद्र आर्लेकर अनेक वर्षांपासून सक्रिय आहेत. ते बालपणापासूनच संघाशी जोडले गेले. 1979 मध्ये त्यांनी भाजपमध्ये प्रवेश केला. 1980 मध्ये गोवा भाजपचे सदस्य म्हणून सक्रिय राहिले. गोवा सरकारमध्ये कॅबिनेट मंत्री व गोवा विधानसभेचे माजी अध्यक्ष म्हणून त्यांनी काम केले. गोवा विधानसभा पेपरलेस करण्याचे श्रेय त्यांना जाते. सध्या बिहारचे 29 वे राज्यपाल म्हणून कार्यरत आहेत. यापूर्वी हिमाचल प्रदेशचे 21 वे राज्यपाल म्हणून त्यांनी काम केले.
