कॅन्टोन्मेंट बोर्ड आयोजित आरोग्य तपासणी शिबिराला उत्तम प्रतिसाद

बेळगाव : बेळगाव कॅन्टोन्मेंट बोर्डच्यावतीने मंगळवारी कॅम्पमधील नागरिकांसाठी मोफत आरोग्य तपासणी शिबिराचे आयोजन करण्यात आले होते. या शिबिरामध्ये 161 हून अधिक नागरिकांनी सहभाग घेऊन आरोग्य तपासणी करून घेतली. कॅन्टोन्मेंटच्या तज्ञ डॉक्टरांनी नागरिकांची तपासणी करून त्यांना मोफत औषधोपचार केला. सामान्य आरोग्य तपासणीसोबतच उच्च रक्तदाब, मधुमेह, हृदयरोग, डोळ्यांची तपासणी, हाडांची तपासणी, दंत तपासणी, आयुर्वेद, होमिओपॅथीक, स्त्रीरोग तज्ञ, रक्त चाचण्या केल्या. कॅम्पमधील नागरिकांनी उत्तम प्रतिसाद दिला. यावेळी उपस्थित डॉक्टर तसेच नागरिकांनी कॅन्टोन्मेंटचे सीईओ राजीव कुमार व सर्व कॅन्टोन्मेंटच्या अधिकाऱ्यांचे आभार मानले. यावेळी डॉ. रवींद्र अनगोळ, डॉ. सुरेखा पाटील, डॉ. विनोदकुमार सज्जन, डॉ. रवी इचलकरंजी, डॉ. गजानन पिसे, डॉ. जुबीन रुस्तमजी, डॉ. ज्योती टक्केकर, डॉ. अत्रीवरद, डॉ. सचिन, डॉ. राजश्री अनगोळ, डॉ. गोविंदराज साळकर, डॉ. सौजन्या नलगोटी यांच्यासह इतर डॉक्टरांनी तपासण्या केल्या.