मुख्यमंत्री डॉ. प्रमोद सावंत यांचे प्रतिपादन ; सांखळी रवींद्र भवनात शिव संस्कार कार्यकर्त्यांचा सन्मान
सांखळी : छत्रपती शिवाजी महाराज आणि धर्मवीर संभाजी महाराज यांचे कार्य प्रत्येकासाठी प्रेरणादायी आहे. छत्रपती शिवरायांमुळेच गोमंतक भूमी आणि संस्कृती टिकून राहिली, असे प्रतिपादन मुख्यमंत्री डॉ. प्रमोद सावंत यांनी कऊन, छत्रपती शिवाजी महाराज यांचा इतिहास पुढे नेण्यासाठी सरकार प्रयत्नशील असल्याचे सांगितले. सावंतवाडी येथील मातृभूमी शिक्षण संस्था आणि शिवसंस्कारतर्फे रविवारी सांखळी रवींद्र भवनमध्ये आयोजित सन्मान सोहळ्dयात ते प्रमुख पाहुणे या नात्याने बोलत होते. छत्रपती शिवाजी महाराज यांच्या संस्कारापासून प्रेरणा घेऊन कार्यरत असलेल्या शिवसंस्कार संस्थेचे अभिनंदन कऊन छत्रपती शिवरायांना अभिवादन केले. या सोहळ्dयाला डिचोलीचे आमदार डॉ. चंद्रकांत शेट्यो, टिव्ही आणि सिने अभिनेते स्वप्नील राजशेखर, हिंदू शिवप्रतिष्ठान हिंदूस्थानचे अध्यक्ष मंदार गावडे, सुभाष मळीक, मातृभूमीच्या अध्यक्ष डॉ. सोनाली लेले, शिवसंस्कारचे कार्याध्यक्ष गणेश ठाकूर आदी उपस्थित होते.
खरा इतिहास फक्त पुस्तकातच मिळत असतो :राजशेखर
नाटक, सिनेमा यांच्यापुरते मर्यादित न राहता, छत्रपती शिवाजी महाराज यांचा खरा इतिहास जाणून घेण्यासाठी वाचन आवश्यक असल्याचे मत स्वप्नील राजशेखर यांनी व्यक्त कऊन, आगामी काळात शिवसंस्कारच प्रत्येकाला तारणार असल्याचे त्यांनी सांगितले. आमदार डॉ. चंद्रकांत शेट्यो यांनी, छत्रपती शिवाजी महाराज यांचा इतिहास आजच्या पिढीला माहीत कऊन द्यावा असे आवाहन केले. पुणे येथील ज्येष्ठ इतिहास संशोधक पांडुरंगजी बलकवडे यांनी यावेळी बोलताना छत्रपती शिवाजी महाराजांचे कार्य आणि संघर्ष प्रेरणादायी असल्याचे मत व्यक्त केले. औक्षण कऊन मुख्यमंत्र्यांसह मान्यवरांना व्यासपीठावर आणण्यात आले. गणेश ठाकूर यांनी प्रास्ताविक केले. सूत्रसंचालन मिलिंद कासकर आणि श्री. गावस यांनी केले. डॉ. सोनाली लेले यांनी आभार मानले.
सन्मानाचे मानकरी
या सोहळ्यात पांडुरंगजी बलकवडे (ज्येष्ठ इतिहास संशोधक, पुणे), वल्लभ गावस देसाई (इतिहास अभ्यासक, गोवा) आणि प्रभाकर ढगे (पत्रकार, साहित्यिक) यांचा विशेष सन्मान करण्यात आला. तर नारायण मानकर (मुख्याध्यापक, कळसूलकर हायस्कूल, सावंतवाडी), अनिल ठाकर (शिक्षक, कळसूलकर हायस्कूल, सावंतवाडी), प्रजा मातोंडकर (मळगाव), अतुल मळीक (कुडणे), गोविंद साखळकर (डिचोली) आणि अवधूत बीचकर (शिवसंस्कार डिजिटल प्रसारक, कराड) यांचा मान्यवरांच्या हस्ते सत्कार करण्यात आला. तसेच या सोहळ्dयात ’शिवसंस्कार’ अंतर्गत घेण्यात आलेल्या विविध ऐतिहासिक स्पर्धांतील विजेत्यांना बक्षिसे वितरीत करण्यात आली.
