जीवनजी, राणा यांना सुवर्ण

चेन्नई : येथे सुरू असलेल्या राष्ट्रीय पॅरा ऑलिम्पिक अॅथलेटिक्स चॅम्पियनशिप स्पर्धेत महिलांच्या 400 मी. धावण्याच्या शर्यतीत टी-20 गटामध्ये दीप्ती जीवनजीने सुवर्णपदक पटकाविले. तर पुरुषांच्या एफ-57 गटातील गोळाफेक प्रकारात सोमन राणाने पॅरिस पॅरा अॅथलेटिक्स स्पर्धेत सुवर्ण पदक मिळविणाऱ्या होकातो सीमा यांना मागे टाकत सुवर्णपदक मिळविले. विद्यमान विश्वविजेती महिला धावपटू दिप्ती जीवनजीने 400 मी. टी 20 विभागात सुवर्णपदक मिळविताना 57.85 सेकंदांचा अवधी घेतला. हरियाणाच्या पूजाने रौप्य घेतले.