कित्तूर चेकपोस्टवर कारमधून सोन्या-चांदीचे दागिने जप्त

बेळगाव : कित्तूर चेकपोस्टवर रविवारी सायंकाळी कार अडवून 4 लाख 15 हजार रुपये किमतीचे सोन्या-चांदीचे दागिने जप्त केले आहेत. या दागिन्यांची वाहतूक करण्यासाठी आवश्यक कागदपत्रे संबंधितांजवळ नव्हती. जिल्हा पोलीसप्रमुख डॉ. संजीव पाटील यांनी ही माहिती दिली असून कित्तूर चेकपोस्टवर वाहनांची तपासणी सुरू असताना कारमध्ये  दागिने आढळले. एका सुवर्णकारासंबंधीचे हे दागिने आहेत. पोलिसांनी कारही ताब्यात घेतली आहे.