भुवनेश्वर
येथे सुरू असलेल्या भारतीय महिलांच्या लीग फुटबॉल स्पर्धेत गोकुळम केरळ एफसी संघाने माता रूक्मिणी एफसी संघाचा 8-0 अशा गोलफरकाने दणदणीत पराभव करत तीन गुण वसुल केले.
या सामन्यात गोकुळम केरळ संघातील आघाडीफळीत खेळणारी घानाची फुटबॉलपटू अचेमपाँगने शानदार हॅट्ट्रीक नोंदविली. या सामन्यात तिसऱया मिनिटाला गोकुळम केरळचे खाते मनिषाने उघडले. 17 व्या मिनिटाला सौम्या गुगुलोथने केरळ संघाचा दुसरा गोल तर 19 व्या मिनिटाला इशादाहीने केरळचा तिसरा गोल केला. 25 व्या मिनिटाला केरळचा चौथा गोल इशादाहीने अचेमपाँगने नोंदविला. 28 व्या मिनिटाला केरळचा पाचवा गोल अचेमपाँगने नोंदवित आपली हॅट्ट्रीक साधली. 39 व्या मिनिटाला सौम्याने गोकुळाम केरळचा सहावा गोल नोंदविला. मध्यंतरापर्यंत गोकुळम केरळने रूक्मिणी एफसी संघावर 6-0 अशी आघाडी मिळविली होती. उत्तरार्धात गोकुळम केरळ आणखी दोन गोल नोंदविले. बदली खेळाडू मानसाने 66 व्या मिनिटाला गोकुळम केरळचा सातवा तर ज्योतीने 85 व्या मिनिटाला आठवा गोल नोंदवून माता रूक्मिणी एफसी संघाचे आव्हान एकतर्फी संपुष्टात आणले.
