राष्ट्रीय स्पर्धेत गोगटे पदवीपूर्वच्या विद्यार्थ्यांचे यश

बेळगाव : बेंगळूरच्या पीपल्स एज्युकेशन सोसायटी युनिव्हर्सिटीच्यावतीने आयोजित ‘हौशी व्यवस्थापक व हौशी शास्त्रज्ञ’ या राष्ट्रीय स्तरावतील स्पर्धेत गोगटे पदवीपूर्व महाविद्यालयाच्या विद्यार्थ्यांनी यश मिळविले. यशस्वी विद्यार्थ्यांच्या पथकाने कौशल्य आणि ज्ञानाचे योग्यरित्या प्रदर्शन केले. निधी कुलकर्णी, गौरिका बजाज व खुशी शाह यांनी मोनोपॉली मॅडनेसवर द्वितीय क्रमांक पटकाविला. आदित्य चव्हाण, तनिष्क सुधाकर, श्रीनिधी पोतनीस, अनुशा घागे यांनी जीईएन एआयवर तृतीय क्रमांक पटकाविला. संस्थेचे चेअरमन व्ही. एम. देशपांडे, प्राचार्या ए. एस. केरूर व संस्थेच्यावतीने यशस्वी विद्यार्थ्यांचे कौतुक केले.