पणजी : राज्यातील नागरी विमान वाहतूक क्षेत्राला चालना देण्यासाठी केंद्र सरकारच्या कायद्यांवर आधारित गोवा राज्य नागरी विमान वाहतूक धोरणाचा मसुदा राज्य सरकारने तयार करण्यास सुऊवात केली आहे. या कामामुळे राज्यातील नागरी विमान वाहतूक क्षेत्राला गती मिळाली आहे. राज्यात सध्या दाबोळी आणि मोपा येथे दोन आंतरराष्ट्रीय विमानतळ कार्यरत आहेत. एका वरिष्ठ अधिकाऱ्याने दिलेल्या माहितीनुसार, गोवा राज्य नागरी विमान वाहतूक धोरणाला मर्यादित वाव आहे. कारण भारतातील नागरी विमान वाहतूक मुख्यत: केंद्रीय कायद्यांद्वारे नियंत्रित केली जाते. कोणताही विरोधाभास टाळण्यासाठी गोवा राज्य विद्यमान केंद्रीय कायद्यांचा अभ्यास करणार आहे. धोरणाचा मसुदा तयार झाला की, राज्य सरकारकडे मंजुरीसाठी ठेवण्यापूर्वी त्याची तपासणी करण्यासाठी राज्य सरकार समिती स्थापन करू शकते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
