जायंट्स मेनतर्फे सफाई कर्मचाऱ्यांचा सन्मान

बेळगाव : प्रत्येक देशाचा कामगार मग तो कोणत्याही स्तरावरचा असू द्या तो त्या त्या देशाचा जडणघडणीत मोलाचे योगदान देत असतो त्यामुळे तो त्या देशाचा पाठीचा कणा असतो असे म्हटले तर चुकीचे ठरणार नाही, असे मत जायंट्स मेनचे अध्यक्ष यल्लाप्पा पाटील यांनी व्यक्त केले. आंतरराष्ट्रीय कामगार दिनानिमित्त आयोजित समारंभप्रसंगी ते बोलत होते. प्रारंभी सचिव मुकुंद महागावकर यांनी प्रास्ताविक आणि स्वागत केले. यावेळी बेळगाव महापालिकेचे स्वच्छता कर्मचारी अमृत कोलकार, शोभा पाटेकर, राहुल अलवाडकर, कविता जनकंतली, रेखा कोलकार, लक्ष्मी गोल्लर, सुमन कांबळे, आप्पाण्णा कांबळे, गंगाम्मा इंडोरी व लक्ष्मी कोलकार इत्यादींचा त्यांनी केलेल्या उत्कृष्ट कामाबद्दल अध्यक्ष यल्लाप्पा पाटील, फेडरेशन अधिकारी संजय पाटील, सुनील मुतगेकर, प्रेमानंद गुरव तसेच जायंट्सच्या इतर पदाधिकाऱ्यांच्या हस्ते भेटवस्तू व पुष्पगुच्छ देऊन गौरविण्यात आले. यावेळी महानगरपालिकेचे स्वच्छता अधिकारी हनुमंत पाटील हे देखील उपस्थित होते.याप्रसंगी जायंट्सचे सर्व सदस्य उपस्थित होते. सूत्रसंचालन सचिव मुकुंद महागावकर यांनी केले तर आभार उपाध्यक्ष लक्ष्मण शिंदे यांनी मानले.