ऑनलाईन टीम/तरुण भारत
गाझियाबादमध्ये दिल्ली-मेरठ एक्सप्रेसवेवर (delhi meerut expressway) भीषण अपघात (accident) झाला आहे. एक्सप्रेसवेवर एक गाडी पलटी झाल्याने कारला आग लागली. या आगीत दोघांचा मृत्यू झाला आहे.
गाझियाबादच्या मसुरी पोलीस स्टेशन परिसरात दिल्ली-मेरठ एक्सप्रेस वेवर हा अपघात झाला. यामध्ये दोन जणांचा जिवंत जाळून मृत्यू झाला आहे. यामध्ये एक महिला आणि एका तरुणाचा समावेश आहे.
मेरठहून येत असताना हा अपघात झाला. यामध्ये काही जण जखमीही झाले आहेत. या घटनेची माहिती मिळताच पोलीसही घटनास्थळी दाखल झाले आहेत. तर जखमींना रुग्णालयात दाखल करण्यात आलं आहे.
