सूर्यकांत हिंडलगेकर यांना गौरव पुरस्कार

बेळगाव : बेलगाम जिल्हा रोलर स्केटिंग असो.चे प्रशिक्षक सूर्यकांत हिंडलगेकर यांचा जीवन संघर्ष फौंडेशन व एशियन टॅलेंट बुक ऑफ पब्लिकेशन आयोजित राष्ट्रीय कला संस्कृती संमेलन बेळगावतर्फे गौरव पुरस्कार देऊन सन्मानित केले. लोकमान्य रंगमंदिर येथे आयोजित करण्यात आलेल्या कार्यक्रमात  गेली 30 वर्षे स्केटिंगमध्ये केलेल्या उल्लेखनीय कार्याबद्दल व गरजू विद्यार्थ्यांना राष्ट्रीय पातळीवर चमकवल्याबद्दल हा सत्कार करण्यात आला. माजी केंद्रीय मंत्री रमाकांत खलप यांच्या शुभ हस्ते सन्मानचिन्ह, प्रशस्तीपत्र, शाल देऊन त्यांना गौरविण्यात आले. यावेळी गुऊवर्य परशुरामभाऊ नंदिहळ्ळी, जीवन संघर्ष फौंडेशनचे संस्थापक अध्यक्ष गणपत पाटील, माजी महापौर शिवाजी सुंठकर, जीवन संघर्ष फौंडेशनचे पदाधिकारी, कार्यकर्ते व इतर मान्यवर उपस्थित होते