शाहुवाडी, प्रतिनिधी
Kolhapur News : कोल्हापूर रत्नागिरी महामार्गावर जुळेवाडी खिंडीच्या पुलानजिक गॅसने भरलेला टँकर पलटी झाला.आज पहाटे हा अपघात घडला. शाहुवाडी पोलीस प्रशासनाच्या वतीने सर्तकता घेत या मार्गावरील वाहतूक पूर्णतः थांबवण्यात आलेली आहे. मलकापूर-बांबवडे या ठिकाणी देखील वाहतुक रोखण्यात आली आहे. घटनास्थळावर आपत्ती व्यवस्थापन व अग्निशमन यंत्रणा पोहोचलेली आहे. महामार्गावरील वाहतूक सरूड-कोकरूड मार्गे वळवण्यात आलेली आहे. अनेक वेळा या पुलावर अपघात सदृश्य घटना घडल्याने आता तरी याकडे कोण लक्ष देणार का अशी संतप्त प्रतिक्रिया नागरिकांच्यातून उमटत आहे.
