ऑनलाईन टीम / तरुण भारत :
अभिनेत्री गार्गी फुले यांनी आज ज्येष्ठ नेते अजित पवार यांच्या उपस्थितीत राष्ट्रवादी काँग्रेस पक्षात प्रवेश केला. दिवंगत अभिनेते निळू फुले यांच्या त्या कन्या आहेत.
पक्षप्रवेशानंतर बोलताना गार्गी फुले म्हणाले, मला खूप दिवसांपासून राष्ट्रवादीत प्रवेश करायचा होता. तो दिवस आज आला. मी अजित पवार यांची अपॉईंमेंट घेतली होती. त्यांच्या उपस्थित मी आज राष्ट्रवादीचे घडय़ाळ हाती बांधले. राष्ट्रवादीची जी विचारसरणी आहे, जी तत्वे आहेत ती मला मान्य आहेत. ती तत्वे पुढे घेऊन जाण्यासाठी तसेच जनतेच्या प्रश्नांना न्याय मिळवून देण्यासाठी मी राष्ट्रवादीत प्रवेश करत असल्याचे त्यांनी सांगितले.
गार्गी फुले या 1998 पासून प्रायोगिक नाटय़ चळवळीशी संबंधित आहेत. मळभ, कोवळी उन्हे, श्रीमंत, सोनाटा, वासंसी जीर्णनी, सुदामा के चावल यासारख्या नाटकांमध्ये त्यांनी काम केले आहे. याशिवाय तुला पाहते रे, कट्टी बट्टी, राजा राणी ची गं जोडी, सुंदरा मनामध्ये भरली या टीव्ही मालिकांमध्येही गार्गी फुलेंनी काम केले आहे.
