धामणे : वडगाव ते धामणे रस्त्याच्या कडेवर वडगावपासून बळ्ळारी नाल्यापर्यंत एक किलोमीटरपर्यंत कचऱ्याचे ढिगारे टाकत आहेत. त्यामुळे या रस्त्यावर अस्वच्छता पसरून दुर्गंधीचे साम्राज्य पसरल्याने या रस्त्याने बेळगाव शहराकडे ये-जा करण्यासारखे नागरिकांचे आरोग्य धोक्यात आले आहे. वडगाव ते धामणे या रस्त्याने शहराकडे ये-जा करणारी नागरिकांची मोठी वर्दळ असून या रस्त्याने धामणे, कुरबरहट्टी, मासगौंडहट्टी, देवगणहट्टी व वडगाव शहापूरचे शेतकरी या रस्त्याने ये-जा करतात. धामणे व तिन्ही हट्ट्यांना दिवसातून 17 वेळा बसच्या फेऱ्या असून या भागातून शेकडो दुचाकीस्वार शहरात ये-जा करतात. परंतु वडगावपासून बळ्ळारी नाल्यापर्यंत येथील नवीन झालेल्या वसाहतीत व वडगाव येथील काही लोक या रस्त्याच्या कडेवर कचरा व घान मोठ्या प्रमाणात टाकत आहेत. त्यामुळे या रस्त्याने ये-जा करणाऱ्या सर्व नागरिकांना दुर्गंधीचा सामना करावा लागत आहे. या रस्त्या संबंधीत वरिष्ठ अधिकाऱ्यांनी याची तातडीने बंदोबस्त करून या रस्त्याने ये-जा करणाऱ्या नागरिकांना दुर्गंधीमुक्त करून दिलासा द्यावा, अशी मागणी नागरिक करीत आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
