बेळगाव : बेळगावातील एनएच-4 हायवेच्या बाजूला रात्रीच्यावेळी मनपाच्या कॉन्ट्रॅक्टरच्या वाहनातून तुरमुरी डेपोला कचरा न टाकता हलगा पूल ते बळ्ळारी नाला हायवेच्या सर्व्हिस रोडच्या बाजूला टाकल्याचे दिसून येत आहे. अलारवाड ब्रिजजवळील युवराज हॉटेलच्या बाजूला सर्व्हिस रस्त्यावर माजी नगरसेवक नेताजी जाधव यांच्या शेतीच्या बांधावर कचरा टाकण्यात आला आहे. तसेच या ठिकाणच्या ब्रिजच्या दोन्ही बाजूच्या सर्व्हिस रस्त्यावर अशाच प्रकारे कचरा टाकला आहे. तसेच अनेकवेळा मृत जनावरेसुद्धा आणून टाकण्यात येतात. त्यामुळे या भागातील शेतकऱ्यांना व नागरिकांना मोठा त्रास सहन करावा लागत आहे. महापौर व आयुक्तांनी यासंबंधी पाहणी करून टाकलेला कचरा तेथून हलवावा. या परिसरात पुन्हा कचरा टाकला जाऊ नये. तसेच कचरा भरणाऱ्या कॉन्ट्रॅक्टरना योग्य सूचना द्याव्यात, अशी मागणी होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
