महापौरांच्या हस्ते राकसकोप येथे गंगापूजन

बेळगाव : राकसकोप जलाशय तुडुंब भरल्यामुळे शहराची पाणी समस्या जवळपास सुटली आहे. जलाशय भरल्याने गंगापूजन महापौर, उपमहापौर यांच्या हस्ते मंगळवारी करण्यात आले. यावेळी महापालिका आयुक्तांसह नगरसेवक उपस्थित होते. यावर्षी पावसाने दडी मारली होती. त्यामुळे सारेच चिंताग्रस्त झाले होते. मात्र गेल्या 15 दिवसांमध्ये दमदार पाऊस झाला आणि राकसकोप जलाशय तुडुंब भरले. यामुळे साऱ्यांनाच मोठा दिलासा मिळाला. जलाशय तुडुंब भरल्यानंतर गंगापूजन करण्यात येते. यावर्षी महापौर शोभा सोमणाचे, उपमहापौर रेश्मा पाटील यांच्या हस्ते गंगापूजन करण्यात आले. महापालिका आयुक्त अशोक दुडगुंटी यांच्यासह सर्व नगरसेवक यावेळी उपस्थित होते.