खानापूर : नगर पंचायतीच्यावतीने गंगापूजन करण्याची पूर्वापार प्रथा आहे. त्या प्रथेनुसार शुक्रवार दि. 22 रोजी मलप्रभा नदीघाटावर नगराध्यक्षा मिनाक्षी बैलूरकर आणि नगरसेवक प्रकाश बैलूरकर यांच्या हस्ते गंगापूजनाचा कार्यक्रम झाला. यावेळी शार्दुल जोशी यांनी पौरोहित्य केले. सुऊवातीला नदीघाटावर उभारलेल्या मंडपात बैलूरकर दांपत्यांच्या हस्ते पूजन करण्यात आले. यानंतर उपस्थित उपनगराध्यक्षा आणि नगरसेवक आणि कर्मचाऱ्यांच्या उपस्थितीत मलप्रभा नदीला ओटी अर्पण करण्यात आली. यावेळी उपनगराध्यक्षा जया भुतकी, स्थायी समिती चेअरमन आप्पय्या कोडोळी, नगरसेवक सर्वश्री सायरा सनदी, नारायण ओगले, शोभा गावडे, मेघा कुंदरगी, राजश्री तोंपिनकट्टी, मुख्याधिकारी संतोष कुरबेट, महसूल अधिकारी गंगाधर कांबळे यासह नगरपंचायतीचे कर्मचारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
