वृत्तसंस्था/ नवी दिल्ली
गनेमत सेखाँ व अनंतजीत सिंग नरुका या भारताच्या नंबर वन स्कीट नेमबाजांनी वरिष्ठांच्या राष्ट्रीय नेमबाजीमध्ये महिला व पुरुष विभागात वैयक्तिक जेतेपद पटकावले.
66 व्या राष्ट्रीय चॅम्पियनशिपमध्ये शॉटगन नेमबाजांनी भाग घेताना पंजाबच्या गनेमत व राजस्थानच्या अनंतजीतने यश मिळविले. गनेमतने पात्रता फेरीत 116 गुण घेतल्यानंतर पाच जणींचे शूटऑफ घेण्यात आले. 60 शॉट्सच्या शूटऑफमध्ये गनेमतने 56 गुण मिळवित अंतिम फेरीसाठी पात्रता मिळविली.
