गजानन गावडे मच्छे श्री टॉप-10 चा मानकरी

बेळगाव : मच्छे येथे बेळगाव जिल्हा शरीरसौष्ठव संघटना आयोजित गाव मर्यादीत मच्छे श्री बेळगाव ग्रामीण विभागीय शरीरसौष्ठव स्पर्धेत आपल्या पिळदार शरीरराच्या जोरावर गजानन गावडेने टॉप-10 मच्छे श्रीचा मानकरी ठरला. या स्पर्धेच्या उद्घाटनप्रसंगी रमेश गोरल, डॉ. पद्मराज, डॉ. ऋतुराज चौगुले, किशोर गवस, कृष्णा जैनोजी, एकनाथ कलखांबकर, एम. गंगाधर आदी मान्यवरांच्या हस्ते दीपप्रज्वलन व हनुमान मूर्तीचे पूजन करून करण्यात आले. या स्पर्धेत गावमर्यादीत स्पर्धेत 31 स्पर्धकांनी भाग घेतला. त्यामधील टॉप-10 पुढील प्रमाणे- 1) गजानन गावडे, 2) रौनक गवस, 3), मोरेश देसाई, 4) शुभम चौगुले, 5) ज्ञानेश्वर वाणी, 6) किरण पाटील, 7) वैभव मजुकर, 8) ऋतिक पुजारी, 9) जोतिबा सावंत, 10) सुहास हुंदरे यांनी विजेतेपद पटकाविले. स्पर्धेनंतर  रमेश गोरल, डॉ. पद्मराज, डॉ. ऋतुराज चौगुले, किशोर गवस, कृष्णा जैनोजी, एकनाथ कलखांबकर, एम. गंगाधर यांच्या हस्ते विजेत्या गजानन गावडेसह इतर 9 जणांना  मानाचा किताब, आकर्षक चषक, रोख रक्कम व प्रमाणपत्र देऊन गौरविण्यात आले. स्पर्धेसाठी पंच म्हणून एम. गंगाधर, हेमंत हवळ, आनंत लंगरकांडे, सुनील राऊत, आकाश हुलीयार, प्रशांत सुगंधी, सुनील अष्टेकर यांनी काम पाहिले.