ऑनलाईन टीम / तरुण भारत :
दिल्लीत सुरू असलेल्या दोन दिवसीय G-20 शिखर परिषदेचा आज समारोप झाला. या परिषदेची सांगता करताना पंतप्रधान नरेंद्र मोदी यांनी ब्राझीलचे राष्ट्रपती लुइज इनासियो लूला डी सिल्वा यांच्याकडे 2024 या वर्षाकरिता G-20 चं अध्यक्षपद सोपवलं. G-20 समुहांच्या अध्यक्षतेचं प्रतिक असणारं गेवल (हातोडा) त्यांच्याकडे सुपूर्द करण्यात आलं. पंतप्रधान नरेंद्र मोदी यांनी ट्विट करत यासंदर्भात माहिती दिली आहे.
“भारताने ब्राझीलला गेवल दिलं. आम्हाला पूर्ण विश्वास आहे की, ब्राझील हे अध्यक्षपद समर्थपणे सांभाळेल. जी-20 ची उद्दिष्टे पूर्ण करण्यासाठी एक पाऊल पुढे जातील. आम्हीही या काळात जी मदत लागेल ती करण्याचा प्रयत्न करू”, असे मोदींनी ट्विटमध्ये म्हटले आहे.
India passes the gavel to Brazil.
We have unwavering faith that they will lead with dedication, vision and will further global unity as well as prosperity.
India assures all possible cooperation to Brazil during their upcoming G20 Presidency. @LulaOficial pic.twitter.com/twaN577XZv
— Narendra Modi (@narendramodi) September 10, 2023
दरम्यान, नोव्हेंबरपर्यंत जी 20 चे अध्यक्षपद भारताकडे आहे. नोव्हेंबरच्या अखेरीस जी 20 चे दुसरे व्हर्च्युअल सत्र आयोजित करण्याचा माझा प्रस्ताव आहे. यामध्ये या शिखर परिषदेदरम्यान ठरलेल्या विषयांचा आढावा घेता येईल, असेही त्यांनी सांगितले.
