बेळगाव : महांतेशनगर येथे मृतावस्थेत आढळून आलेल्या वासरावर महापालिकेच्या पशुसंगोपन विभागाकडून दफनविधी करण्यात आला. त्यामुळे परिसरातील रहिवाशांतून महापालिकेच्या तत्परतेबद्दल समाधान व्यक्त केले जात आहे. महांतेशनगर येथे एका गायीने जन्म दिलेल्या वासराचा काही वेळातच त्याच ठिकाणी मृत्यू झाला. त्यामुळे सदर गाय वासराभोवती घिरट्या घालण्यासह हंबरत होती. त्यामुळे परिसरातील रहिवाशांनी ही माहिती महापालिकेच्या आरोग्य विभागाला दिली. त्यानंतर पशुसंगोपन विभागाचे वरिष्ठ निरीक्षक राजू संकण्णावर हे आपल्या सहकाऱ्यांसह त्या ठिकाणी दाखल झाले. मृत वासराला ताब्यात घेण्यासाठी प्रयत्न करण्यात येत होते. मात्र, गायीकडून मनपाच्या कर्मचाऱ्यांवर हल्ला करण्याचा प्रयत्न केला जात होता. त्यामुळे अथक परिश्रमानंतर मयत वासराला ताब्यात घेऊन त्याच्यावर दफनविधी करण्यात आले. मयत झालेल्या वासराबद्दलची माहिती डॉ. सतीश जकाती यांनी महापालिकेला दिल्यानंतर तातडीने कर्मचारी त्या ठिकाणी दाखल झाले. मृत्यू झालेल्या वासरावर दफनविधी करण्यात आल्याने नागरिकांतून समाधान व्यक्त करण्यात येत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
