लोककल्पतर्फे हंदीकोपवाडा येथे मोफत आरोग्य तपासणी शिबिर

बेळगाव : लोककल्प फौंडेशन आणि केएलई हॉस्पिटल यांच्यावतीने हंदीकोपवाडा गावामध्ये मोफत आरोग्य तपासणी शिबिर घेण्यात आले. 22 रोजी झालेल्या या शिबिरास ग्रामस्थांचा उत्स्फूर्त प्रतिसाद मिळाला. लोकमान्य सोसायटीने सामाजिक बांधिलकी म्हणून लोककल्पच्या माध्यमातून खानापूर तालुक्यातील 32 गावे दत्तक घेतली आहेत. त्यापैकी हंदीकोपवाडा हे एक गाव आहे. लोककल्प फौंडेशनच्या या उपक्रमाला केएलई हॉस्पिटल, शहापूरचे सहकार्य लाभले आहे. या शिबिरामध्ये बीपी, बल्डशुगर तसेच अन्य मूलभूत तपासण्या करण्यात आल्या. हॉस्पिटलचे श्रीधर के., डॉ. ओसीन शर्मा, डॉ. अश्विन अग्रवाल, डॉ. बालाजी के. व डॉ. सना यांनी रुग्णांची तपासणी केली. याप्रसंगी लोककल्पचे प्रसाद आसुकर व स्वयंसेवक संतोष कदम उपस्थित होते.