लोककल्पतर्फे दारोळी येथे मोफत आरोग्य तपासणी शिबिर

बेळगाव : लोककल्प फौंडेशनतर्फे वेणुग्राम हॉस्पिटलच्या साहाय्याने दारोळी (ता. खानापूर) येथे मोफत आरोग्य तपासणी शिबिराचे आयोजन करण्यात आले. ग्रामीण भागातील लोकांना दर्जेदार आरोग्यसेवा उपलब्ध करून देणे हा या शिबिराचा मुख्य उद्देश होता. सुमारे 64 हून अधिक गावकऱ्यांनी या मोफत आरोग्य तपासणी शिबिराचा लाभ घेतला. याप्रसंगी त्यांना वैद्यकीय सल्ला आणि तपासण्या करण्यात आल्या. यावेळी डॉ. विनुता, परिचारक बसवराज आणि पी. आर. ओ. जगदीश बेळगावकर यांनी सहकार्य केले. लोककल्पचे अनंत गावडे आणि संदीप पाटील यांनी समन्वयक म्हणून काम पाहिले. लोकमान्य मल्टीपर्पज को-ऑप. सोसायटीचे चेअरमन डॉ. किरण ठाकुर यांच्या प्रेरणेतून हा उपक्रम राबविण्यात आला. सोसायटीच्या ‘सीएसआर’ उपक्रमांतर्गत ग्रामीण भागातील नागरिकांना जीवनावश्यक मूलभूत गरजांची पूर्तता करून त्यांचे जीवनमान उंचावण्यासाठी लोककल्प फौंडेशन सातत्याने प्रयत्न करीत आहे.