लोककल्प फौंडेशनतर्फे ओलमणी येथे मोफत आरोग्य तपासणी शिबिर

बेळगाव : लोककल्प फौंडेशन आणि सेंन्ट्राकेअर हॉस्पिटलच्या साहाय्याने ओलमणी (ता. खानापूर) येथे मोफत आरोग्य तपासणी शिबिराचे आयोजन करण्यात आले होते. जवळपास 60 गावकऱ्यांनी या आरोग्य शिबिराचा लाभ घेतला. या शिबिरासाठी सेंट्राकेअर हॉस्पिटलच्या डॉ. शिवलीला माळी, परिचारिका कीर्ती, रुद्रगौडा व एम. बी. मोदगी यांनी सेवा बजावली. लोककल्प फौंडेशनतर्फे हर्षदा जगताप व संदिप पाटील यांनी समन्वयक म्हणून कार्य केले. ग्रामीण भागातील लोकांपर्यंत दर्जेदार आरोग्यसेवा पोहोचविण्याच्या उद्देशाने  लोकमान्य मल्टिपर्पज को-ऑप. सोसायटीचे चेअरमन डॉ. किरण ठाकुर यांच्या दृष्टिकोनातून या उपक्रमाचे आयोजन करण्यात आले होते. शिबिराचे आयोजन केल्याबद्दल गावकऱ्यांनी लोककल्प फौंडेशन व सेंट्राकेअर हॉस्पिटलचे मन:पर्वक आभार व्यक्त केले.