लोककल्प-वेणुग्रामतर्फे मोफत आरोग्य तपासणी

बेळगाव : लोककल्प फौंडेशन व वेणुग्राम हॉस्पिटल यांच्या संयुक्त विद्यमाने खानापूर तालुक्यातील जांबोटीजवळील वडगाव येथे मोफत आरोग्य तपासणी शिबिराचे आयोजन करण्यात आले होते. गावातील 93 हून अधिक नागरिकांनी आरोग्य तपासणी करून घेतली. वेणुग्राम हॉस्पिटलचे डॉ. यसीन जिनबादे, नर्स स्नेहा, पीआरओ जगदीश बेळगावकर, श्रीकांत पाटील, लोककल्प फौंडेशनचे किशोर नाईक व संदीप पाटील यांच्या प्रयत्नातून शिबिर घेण्यात आले. या शिबिरावेळी नागरिकांची आरोग्य तपासणी करून औषधोपचार करण्यात आला.