लोककल्प-नेत्रदर्शन हॉस्पिटलतर्फे कालमणीत नेत्रतपासणी मोफत शिबिर

बेळगाव : लोकमान्य मल्टिपर्पज को-ऑप.सोसायटी लिमिटेडच्या सीएसआर उपक्रमांतर्गत लोककल्प फौंडेशन व नेत्रदर्शन हॉस्पिटल डॉ. अगरवाल आय हॉस्पिटल युनिट यांच्या संयुक्त विद्यमाने कालमणी (ता. खानापूर) येथे मोफत नेत्रतपासणी शिबिर आयोजित करण्यात आले. 16 ऑगस्ट रोजी भरलेल्या या शिबिरातून सुमारे 45 ग्रामस्थांची नेत्रतपासणी करण्यात आली. डोळ्यांशी संबंधित आजारांचे लवकर निदान व योग्य मार्गदर्शन या शिबिरातून करण्यात आले. या शिबिरासाठी नेत्रदर्शन हॉस्पिटलचे नेत्रतज्ञ राहुल मेदार, आदित्य अळगुडकर व उदय कुमार यांनी सेवा बजावली. लोककल्पचे अनंत गावडे व संदीप पाटील यांनी समन्वय साधला. गावकऱ्यांनी या उपक्रमाबद्दल कृतज्ञता व्यक्त केली. हा उपक्रम लोकमान्य सोसायटीचे चेअरमन डॉ. किरण ठाकुर यांच्या मार्गदर्शनाखाली ग्रामीण भागात आरोग्य, शिक्षण व पायाभूत सुविधा क्षेत्रात सकारात्मक बदल घडविण्याचे कार्य सातत्याने सुरू आहे.