लोककल्प-नेत्रदर्शनतर्फे मोफत नेत्रचिकित्सा शिबिर

बेळगाव : लोककल्प फौंडेशन व नेत्रदर्शन या डॉ. अगरवाल आय हॉस्पिटलच्या युनिटतर्फे खानापूर तालुक्यातील कापोली गावामध्ये मोफत नेत्रचिकित्सा शिबिर घेण्यात आले. कुसमळी गावातील दोघा जणांवर मोतिबिंदूची शस्त्रक्रिया करण्यात आली. या शिबिरामध्ये डोळ्यांची तपासणी करण्यात आली, ज्याचा 45 हून अधिक ग्रामस्थांनी लाभ घेतला. तसेच यावेळी नेत्रतज्ञांनी डोळ्यांची काळजी कशी घ्यावी, याची माहिती दिली. खानापूर तालुक्यातील दुर्गम गावांमध्ये आरोग्य आणि शिक्षण सुविधा पुरवून तेथील लोकांचे जीवनमान उंचावण्याचा प्रयत्न लोककल्प करत आहे.