बेळगाव : महानगरपालिकेच्या पशुसंगोपन विभागाकडून बुधवारी शहरात विविध ठिकाणी चार मोकाट जनावरे पकडण्यात आली. पकडलेल्या जनावरांची रवानगी श्रीनगर येथील गो-शाळेत करण्यात आली आहे. गणेशोत्सवाच्या तोंडावर मोकाट जनावरे पकडण्याची मोहीम तीव्र करण्यात आली आहे. पशुसंगोपन विभागाकडून पाटील गल्लीत 1, कोतवाल गल्लीत 3 अशी एकूण चार जनावरे पकडण्यात आली. दररोज विविध ठिकाणी मोकाट जनावरे पकडण्याचा सपाटा सुरुच असला तरी जनावरे सोडण्याचे प्रमाण मात्र कमी झालेले नाही. जनावर मालकांवर दंडात्मक कारवाई केली जात आहे. जनावरांचे कळप रस्त्यावरच ठाण मांडून बसत असल्याने विविध ठिकाणी वाहतूक कोंडी होत आहे. त्यातच गणेशोत्सव सात दिवसावर येऊन ठेपल्याने विविध चौकांमध्ये सार्वजनिक गणेशोत्सव मंडळाच्यावतीने मंडप घालण्यात आले आहेत. त्यामध्ये मोकाट जनावरापासून वाहतूक समस्या निर्माण होऊ नये, यासाठी महापालिकेकडून जनावरे पकडली जात आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
