माजी संघ व्यवस्थापक सुनील देव कालवश

नवी दिल्ली : 2007 साली दक्षिण आफ्रिकेत पहिल्यांदाच झालेल्या आयसीसीच्या टी-20 विश्वचषक क्रिकेट स्पर्धेचे अजिंक्यपद मिळवणाऱ्या भारतीय क्रेकेट संघाचे तत्कालिन व्यवस्थापक तसेच दिल्ली जिल्हा क्रिकेट संघाचे माजी सरचिटणीस सुनील देव यांचे बुधवारी वयाच्या 75 व्या वर्षी दीर्घकालीन आजाराने निधन झाले. त्यांच्या पश्चात पत्नी आणि मुले असा परिवार आहे. 2015 सालापर्यंत सुनील देव हे दिल्ली जिल्हा संघटनेचे सचिव म्हणून कार्यरत होते. तसेच त्यांनी भारतीय क्रिकेट नियंत्रण मंडळाच्या विविध उपसमितीमध्ये सदस्य या नात्याने दर्जेदार कामगिरी केली. क्रिकेट क्षेत्रातील ते एक कुशल प्रशासक म्हणून ओळखले गेले. तसेच 1996 आणि 2014 साली इंग्लंडच्या दोऱ्यावर गेलेल्या भारतीय क्रिकेट संघाचे प्रशासकीय व्यवस्थापक होते.