ओवळीये ग्रामपंचायतीचे आयोजन
ओटवणे प्रतिनिधी
भारतीय स्वातंत्र्याच्या अमृत महोत्सवी वर्षानिमित्त ओवळीये गावात झालेल्या माजी सैनिकांच्या भव्य सन्मान सोहळ्यामुळे माजी सैनिकांसह त्यांचे कुटुंबीय भारावून गेले. या सन्मान सोहळ्याच्या उत्कृष्ट नियोजनामुळे ग्रामस्थांचाही उत्स्फूर्त सहभाग लाभला. या सन्मानासह कार्यक्रमाचा मानही देण्यात आल्यामुळे माजी सैनिकांसह त्यांच्या कुटुंबीयांनी ओवळीये ग्रामपंचायतीचे आभार मानले.
यावेळी भारतीय सैन्य दलाचे नायब सुभेदार राहुल सावंत, ग्रामपंचायतीचे सरपंच तारामती नाईक, मनोज सावंत, शशिकांत सावंत, संतोष सावंत, सागर सावंत, केंद्रप्रमुख गुंडू सावंत, मुख्याध्यापक सुक्राम चौरे, प्रसाद बांदेकर आदींसह आजी-माजी लोकप्रतिनिधी, ग्रामस्थ उपस्थित होते.
