माजी खासदार राहुल गांधी गोवा दौऱ्यावर

पणजी : काँग्रेसचे माजी राष्ट्रीय अध्यक्ष तथा माजी खासदार राहूल गांधी दोन दिवसांच्या गोवा भेटीवर काल बुधवारी रात्री येणार आहेत. आज गुरुवारी दिवसभर ते गोव्यात राहणार असून त्यांची ही भेट खाजगी स्वऊपाची असल्याचे समजले आहे. त्यांची ही भेट पक्षीय पातळीवर नाही. आपल्या वास्तव्यात ते राज्यातील अनेक महत्वाच्या व्यक्तींच्या भेटी घेणार आहेत. मात्र त्या भेटी कुणाच्या आणि ते अन्य कुणाकुणाला भेटणार याबाबत गुप्तता पाळण्यात आली आहे. लोकसभा निवडणुकीच्या पार्श्वभूमीवर काँग्रेसच्या पुढाकाराने राष्ट्रीय स्तरावर सर्व विरोधी पक्षांना एकत्र करण्यात आले. त्यातूनच ’इंडिया’ ही आघाडी निर्माण करण्यात आली आहे. याच आघाडीतर्फे आता देशभरात बैठकांचे सत्र प्रारंभ करण्यात आले असून विविध नेते अनेक राज्यांचे दौरे करत आहेत. गोव्यात लोकसभेच्या दोन जागा असून दोन्ही ठिकाणी काँग्रेस उमेदवार मैदानात उतरविण्यात येणार आहेत. त्यासंदर्भात गोवा भेटीत राहूल गांधी राज्यातील महत्वाच्या व्यक्ती आणि नेत्यांशी चर्चा करणार आहेत. अनेक व्यावसायिकांशीही ते चर्चा करणार असून त्यांच्या समस्या, प्रश्न ऐकून घेणार असल्याचे समजले आहे. गुऊवारी रात्रीच ते विमानाने दिल्लीला रवाना होणार आहेत.