माजी फुटबॉलपटू प्रबिर मजुमदार कालवश

नवी दिल्ली : भारताचे माजी फुटबॉलपटू प्रबीर मजुमदार यांचे वयाच्या 77 व्या वर्षी अल्पकालिन आजाराने निधन झाले. त्यांच्या पश्चात पत्नी आणि एक मुलगा असा परिवार आहे. 1960 आणि 1970 च्या दशकामध्ये प्रबीर मजुमदार हे भारतीय फुटबॉल संघातील बचावफळी सांभाळत असत 1974 च्या आशियाई क्रीडा स्पर्धेसाठी त्यांचा भारतीय फुटबॉल संघामध्ये समावेश होता. क्लबस्तरीय फुटबॉल स्पर्धेत त्यांनी इस्ट बंगाल संघाचे प्रतिनिधीत्व करताना या संघाला आपल्या दर्जेदार कामगिरीच्या जोरावर सात विविध अजिंक्यपदे मिळवून दिली आहे. अखिल भारतीय फुटबॉल फेडरेशनने मजुमदार यांना श्रद्धांजली वाहण्यात आली आहे.