माजी आमदार निट्टूरकर यांना वनमंत्री खंड्रेंची श्रद्धांजली

बेळगाव : विधानपरिषदेचे माजी सदस्य व माजी उपसभापती केशवराव निट्टूरकर यांच्या निधनाबद्दल वन-पर्यावरण मंत्री ईश्वर खंड्रे यांनी शोक व्यक्त केला आहे. माझे वडील भीमण्णा खांड्रे यांचे निट्टूरकर हे जीवलग मित्र होते. वडिलांनी चालविलेल्या प्रत्येक आंदोलनात निट्टूरकर यांचा सहभाग होता. आपले जन्मस्थळ निट्टूर या गावाबद्दल केशवराव निट्टूरकर यांना अपार आदर होता. शांतीवर्धक शिक्षण संस्थेचे उपाध्यक्ष म्हणूनही निट्टूरकर यांनी कार्य केले होते. त्यांचे मार्गदर्शन आपणालाही लाभले होते. सुस्वभावी व साधे राहणीमान यामुळे त्यांनी बिदर जिल्ह्याच्या जनतेची मने जिंकली होती. विधानपरिषदेचे सदस्य व उपसभापती या पदावरून  निट्टूरकर यांनी उत्तमरितीने कार्य केले होते. त्यांच्या आत्म्याला चिरशांती लाभो. त्यांच्या निधनामुळे कुटुंबियावर ओढवलेले दु:ख सहन करण्याची शक्ती परमेश्वराने निट्टूरकर कुटुंबाला द्यावी, असे मंत्री खंड्रे श्रद्धांजली वाहताना म्हणाले.