कृषी मंत्रालयाने जाहीर केली उत्पादनाच्या दुसऱ्या सत्रासाठी शक्यता : 4 टक्के अधिक राहणार
नवी दिल्ली :
आगामी रब्बी व्यापारी सत्रात (आर्थिक वर्ष 23-24) गव्हाचे उत्पादन 1121.18 लाख टन इतके उच्चांकी राहण्याची अपेक्षा आहे, जी गेल्या वर्षीच्या तुलनेत 4.12 टक्के अधिक राहणार असल्याची माहिती कृषी मंत्रालयाने जाहीर केलेल्या उत्पादनाच्या दुसऱ्या सत्राच्या अंदाजात दिली आहे.
यंदा गव्हाच्या पेरणी क्षेत्रात झपाट्याने वाढ होणार असल्याचा अंदाज वर्तवण्यात आला आहे. चालू रब्बी हंगामात मोहरी आणि चिकूचे उत्पादनही विक्रमी पातळीवर राहील, असा अंदाज नोंदवला आहे. गहू, हरभरा आणि मोहरीचे चांगले उत्पादन होणार असून यामुळे केंद्र सरकारला अन्नधान्य महागाईवर नियंत्रण ठेवण्यास मदत होणार असल्याचेही स्पष्ट केले आहे.
हवामानावर अवलंबून राहणार उत्पादन
गव्हाच्या उत्पादनाचा अंदाज पुढील काही आठवड्यांच्या हवामानावर अवलंबून आहे. जर हवामान अनुकूल असेल आणि तापमानात असाधारण बदल नसेल तर उत्पादन चांगले मिळेल. गतवर्षी तापमानात अचानक वाढ झाल्याने उत्पादनात घट झाली होती.
2021-22 साठी केंद्राच्या पहिल्या आगाऊ अंदाजानुसार गव्हाचे उत्पादन 1113.2 लाख टन होईल, जे नंतर सुधारित करून 1,077.4 लाख टन करण्यात आले. खराब हवामानामुळे उत्पादन 3.58 टक्के कमी होते. या वर्षाच्या मागील अंदाजामध्ये केंद्र सरकारने 1,060 लाख टन गहू उत्पादनाचा अंदाज व्यक्त केला होता, त्यात आता आश्चर्यकारक वाढ झाली आहे.
सूत्रांच्या मते, गेल्या वर्षी गव्हाचे पीक 1,000 लाख टन इतके कमी होते, ज्यामुळे सरकारी खरेदी कमी झाली आणि वर्षभरात किमतीत मोठी वाढ झाली. तथापि, इतर प्रमुख पिकांचे, रब्बीचे उत्पादनही गतवर्षीच्या तुलनेत चांगले राहील, असे अन्य सरकारी अंदाज सूचित करण्यात आले आहेत.
कडधान्य पीक हरभऱ्याचे यावर्षी 136.3 लाख उत्पादन होण्याचा अंदाज आहे, जो गेल्या वर्षीच्या तुलनेत 0.66 टक्के जास्त आहे.
रब्बी हंगामातील प्रमुख तेलबिया पीक मोहरीचे विक्रमी 128.1 लाख टन उत्पादन अपेक्षित आहे, जे गेल्या वर्षीच्या तुलनेत 7.11 टक्क्यांनी जास्त आहे.
