वार्ताहर / कास :
रंगीबेरंगी नैसर्गिक फुलांची पंढरी म्हणून जगभर ख्याती पसरलेल्या कास पुष्प पठारावरील या वषीच्या हंगामाचा शुभारंभ कोल्हापूर वनवृतचे मुख्य वनसंरक्षक आर एम रामानुजम यांच्या हस्ते फित कापून करण्यात आला. कास पठारावर निसर्गाचा अनमोल ठेवा असून, त्याच्या जतनाशी कोणतीही तडजोड होता कामा नये. फुलांची घटती संख्या लक्षात घेऊन त्यामध्ये कशी वाढ होईल, यासाठी उपाययोजना व्हाव्या, अशा सक्त सुचना देत वनसमीतीचे कार्य कौतुकास्पद असून वनविभागाचे पुर्ण सहकार्य लाभेल असे गौरवोद्गार त्यांनी काढले. पहिल्याच दिवशी हजारो पर्यटकांनी रिपरिप पाऊस आणि धुक्याच्या धुलईत रानफुलांसह निसर्गाचा मुनमुराद आनंद लुटला.
यावेळी कोल्हापूर वनवृतचे मुख्यवनसंरक्षक आर एम रामानुजम, सातारा उपवनसंरक्षक उत्तम सावंत, सहाय्यक वनसंरक्षक सुधीर सोनवले, माजी जि प सदस्य राजु भोसले, जावली वनक्षेत्रपाल रंजनसिंह परदेशी सातारा आदी मान्यवर उपस्थित होते. प्रमुख मान्यवरांनी पठारवरील दुर्मीळ फुलांची माहीती करून निसर्गाचा आनंद घेतला.
जांभळय़ा, निळय़ा, लाल, गुलाबी, पांढऱ्या आदी विविधरंगी फुलांना बहर चढु लागला असून गेंद, तेरडा, निलिमी, चवर, आभाळी, सितेची अस्व, टुथब्रश, सोनकी, आबोलिमा, आम्री, रान, हळद रान, गवार आदी विविध प्रकारच्या वनसंपदाची फुले बहरली असून येत्या आठ दहा दिवसात फुलांचे गालीचे सर्वत्र पहायला मिळण्याची स्थिती निर्माण झाली आहे.
फुले पहाण्यासाठी प्रती माणशी 100 रुपये प्रवेश शुल्क, वाहन पार्कींग कार 40, बस 60 रुपये, पार्कींगस्थळ ते पठार 10 रुपये बस तिकीट गाईडसाठी 100 रुपये आकारले जाणार आहेत. हंगाम सुरळीत पार पाडण्यासाठी 120 कर्मचाऱयांची वन समीतीने नेमणुक केली असून, यामधील 15 जण गाईड म्हणुन काम पाहणार आहेत. पिण्याचे पाणी, शौचालय, निवारा शेडची सुविधा निर्माण केली असुन पठारावरील रोडवरून फिरण्यासाठी भाडे तत्वावर सायकल सुविधाही निर्माण करण्यात आली आहे. घाटाई रोड व कास तलाव अशा पठार. दोन्ही बाजुला वाहन स्थळ निर्माण केली आहेत. पहिल्याच दिवशी आलेल्या पर्यटकांनी ऑनलाईन बुकींग होत नसल्याने नाराजी व्यक्त केली. ऑनलाईन साईटला प्रॉब्लेम आल्याने बुकीग होऊ शकली नाही. आजपासून वेबसाईट सुरळीत होणार असून जास्तीत जास्त पर्यटकांनी ऑनलाईन बुकींग करूनच फुलांचा आनंद घेण्यासाठी पठारवर यावे, असे वनसमीतीच्या पदाधीकाऱयांकडुन सांगण्यात आले.
जंगलसफारीचा आनंद घेता येणार
या वर्षापासून पर्यटकांना आनंद आणखी द्विगुणीत करता येणार असुन, दिवसा जंगलसफारीचा आनंद घेता येणार आहे. यासाठी वनसमीतीची दोन वाहने कार्यरत असून, एका वाहनात आठ प्रवाशांना बसता येणार आहे. यासाठी 4000 हजार रुपये प्रवेश शुल्क भरावे लागणार आहे.
