बेळगाव : खंजर गल्ली येथील मटका अड्ड्यावर छापा टाकून पाच जणांना अटक करण्यात आली आहे. मार्केट पोलिसांनी ही कारवाई केली असून त्यांच्याजवळून 3 हजार 100 रुपये रोख रक्कम व मटक्याच्या चिठ्ठ्या जप्त करण्यात आल्या आहेत. मार्केटचे पोलीस उपनिरीक्षक विठ्ठल हावण्णावर व त्यांच्या सहकाऱ्यांनी मंगळवारी 8 जुलै रोजी ही कारवाई केली आहे. खंजर गल्ली येथील सफा जनरल स्टोअरजवळ असलेल्या बोळात मटका सुरू असल्याची माहिती मिळताच अचानक छापा टाकून पाच जणांना अटक करण्यात आली आहे. मोहम्मद शफी मोदीनसाब तहसीलदार, राहणार खंजर गल्ली, परशुराम आप्पाजी होसकोटी, राहणार आनंदनगर-वडगाव, प्रकाश तुकाराम पाटील, राहणार चंदगड, जि. कोल्हापूर, रफिक हुसेनसाब मुल्ला, राहणार कोतवाल गल्ली, अहमदखान आदमखान पठाण, राहणार बागवान गल्ली अशी अटक करण्यात आलेल्यांची नावे असून त्यांच्यावर कर्नाटक पोलीस कायदा 78(3) अन्वये एफआयआर दाखल करण्यात आला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
