राष्ट्रकुल वेटलिफ्टिंग स्पर्धेत भारताला पाच पदके

नोईडा (उत्तर प्रदेश) : बुधवारपासून येथे सुरू झालेल्या 2023 च्या वेटलिफ्टिंग स्पर्धेत पहिल्याच दिवशी यजमान भारताने तीन सुवर्ण आणि दोन रौप्य अशी एकूण पाच पदकांची कमाई केली. सदर स्पर्धा ग्रेटर नोयडातील गौतम बुद्ध विद्यापीठाच्या यजमानपदाने भरवली गेली आहे. भारताच्या कोमल कोहार आणि ज्ञानेश्वरी यादव यांनी महिलांच्या अनुक्रमे 45 आणि 49 किलो वजनगटात प्रत्येकी एक सुवर्णपदक पटकावले तर पुरुषांच्या 55 किलो गटात मुकुंद आहेरने सुवर्णपदक मिळवले. भारताची माजी आशियाई चॅम्पियन झिली देलाबेहराने महिलांच्या 49 किलो वजनगटात तर श्राबनी दासने 55 किलो गटात प्रत्येकी एक रौप्यपदक मिळवले.