बेळगाव : शहरातील धोकादायक झाडे हटविण्याचे काम धिम्म्यागतीने सुरू असल्याने जुनाट झाडांची पडझड होण्यास सुरुवात झाली आहे. वनखाते आणि हेस्कॉमच्या दुर्लक्षामुळे सदाशिवनगर पहिला मुख्य पहिला क्रॉस येथील महाराष्ट्र बँकेसमोरील उच्चदाबाच्या विद्युत वाहिन्यांवर झाडाची फांदी पडल्याने आगीने पेट घेतला. नुकत्याच घडलेल्या या घटनेमुळे परिसरात भीतीचे वातावरण निर्माण झाले आहे. सदाशिवनगर येथील महाराष्ट्र बँकेसमोर असलेले धोकादायक झाड हटविण्यात यावे, अशी मागणी गेल्या अनेक वर्षापासून केली जात आहे. मात्र त्याकडे हेस्कॉम व वनखात्याने दुर्लक्ष केले आहे. इतकेच नव्हे तर झाड तोडण्यासाठी लेखी अर्ज करण्यात आला आहे. मात्र अधिकारी यावर कारवाई करण्याऐवजी एकमेकांकडे बोट दाखवून वेळ मारून नेण्याचा प्रयत्न करत आहेत. दोन दिवसांपासून सायंकाळी 5.30 वा. उच्च दाबाच्या वीज तारांवर झाडांची फांदी कोसळल्याने आगीने पेट घेतला. ही घटना घडताच परिसरातील व व्यावसायिकांनी संबंधित अधिकाऱ्यांना फोनवरून संपर्क साधून माहिती दिली. तरीदेखील अधिकारी वेळेत घटनास्थळी पोहोचले नाहीत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
