गांधीनगर येथील गॅरेजला आग लागून सुमारे तीन लाखांचे नुकसान

बेळगाव : हरिकाका कंपाऊंड, गांधीनगर येथील एका गॅरेजला बुधवारी रात्री उशिरा आग लागली. गॅरेजच्या पाठीमागील पत्र्याचे शेड, टायर असे सुमारे अडीच ते तीन लाख रुपयांचे साहित्य आगीत खाक झाले आहे. प्रमोद मोटर गॅरेजमध्ये ही घटना घडली आहे. शेजारच्या गॅरेजमध्ये भट्टी पेटविण्यात आली होती. त्यामधून उडालेल्या ठिणगीमुळे ही घटना घडल्याचा संशय आहे. बुधवारी रात्री 10.30 वाजण्याच्या सुमारास ही घटना घडली. अग्निशमन दलाच्या जवानांना पाचारण करण्यात आले. वेळीच पाणी मारल्याने आग आटोक्यात आली. नहून संपूर्ण गॅरेजने पेट घेतला असता. पोलीस अधिकाऱ्यांनी घटनास्थळाची पाहणी केली आहे. सुमारे अडीच ते तीन लाख रुपयांची हानी झाल्याचे निखिल हंडे यांनी सांगितले.