मडगाव : फातोर्डा येथील चैतन्य हळदणकर या विद्यार्थ्यांला अभियांत्रिकी शिक्षण घेण्यासाठी यूके विद्यापीठाची शिष्यवृत्ती प्राप्त झाली आहे. त्याला उच्च शिक्षण घेण्यासाठी अडचण येऊ नये यासाठी मुख्यमंत्री डॉ. प्रमोद सावंत यांनी पुढाकार घेऊन आर्थिक पाठबळ प्राप्त करून दिले आहे. चैतन्य हळदणकर या विद्यार्थ्याला यूके विद्यापीठाची शिष्यवृत्ती प्राप्त झाली तरी थोडी आर्थिक अडचण होती. हा विषय भाजपचे सरचिटणीस दामू नाईक यांनी मुख्यमंत्र्यापर्यंत नेला व मुख्यमंत्र्यांनी खाजगी आस्थापनाकडून त्याला आर्थिक पाठबळ मिळवून देण्याची जबाबदारी दामू नाईक यांच्याकडे दिली. त्या प्रमाणे, दामू नाईक यांनी त्यांना आर्थिक पाठबळ उपलब्ध करून दिले. या आर्थिक पाठबळाचा धनादेश हल्लीच मडगाव रवींद्र भवन मुख्यमंत्री डॉ. प्रमोद सावंत यांनी चैतन्य हळदणकर यांच्याकडे सुपूर्द केला. यावेळी समाज कल्याणमंत्री सुभाष फळदेसाई, भाजपचे सरचिटणीस दामू नाईक, मडगावचे आमदार दिगंबर कामत, नावेलीचे आमदार उल्हास तुयेकर तसेच उद्योजक निखिल अडवानी उपस्थित होते. चैतन्यला उच्च शिक्षणासाठी मुख्यमंत्री डॉ. प्रमोद सावंत यांनी शुभेच्छा दिल्या. तो यूकेला रवाना झाला आहे. त्यांच्या भावी वाटचालीसाठी दामू नाईक यांनी शूभेच्छा दिल्या. शिक्षणासाठी आर्थिक पाठबळ दिल्याबद्दल चैतन्यने मुख्यमंत्र्यांचे आभार मानले आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
