युनियन जिमखाना-आनंद यांच्यात आज अंतिम लढत

बेळगाव : युनियन जिमखाना आयोजित 12 वर्षाखालील आंतर अकादमी क्रिकेट स्पर्धेत रविवारी खेळविण्यात आलेल्या उपांत्य फेरीच्या सामन्यात युनियन जिमखानाने लायज क्रिकेट अकादमीचा तर आनंद अकादमीने निना स्पोर्ट्सचा पराभव करुन अंतिम फेरीत प्रवेश केला. मोहम्मद अब्बाज व आरुष देसुरकर यांना सामनावीर पुरस्कार देण्यात आला. युनियन जिमखाना मैदानावर खेळविण्यात आलेल्या पहिल्या उपांत्य फेरीच्या सामन्यात लायाज अकादमीने 23.4 षटकात सर्व गडी बाद 77 धावा केल्या. त्यात यश चौगुलेने 3 चौकारांसह 23, स्वयम खोतने 14 धावा केल्या. जिमखानातर्फे मोहम्मद अब्बासने 10 धावात 4 तर सलमान धारवाडकरने 2 गडी बाद केले. प्रत्युत्तरादाखल खेळताना युनियन जिमखाना 19.5 षटकात 2 गडी बाद 78 धावा करुन सामना 8 गड्यांनी जिंकला. त्यात विश्रृत कुंदरनाडने 4 चौकारांसह 26 तर मोहम्मद हमजाने 21 धावा केल्या. लायाजतर्फे स्वयम खोत, वरदराज यांनी प्रत्येकी 1 गडी बाद केला. दुसऱ्या उपांत्य फेरीच्या सामन्यात आनंद अकादमीने 25 षटकात 3 गडी बाद 176 धावा केल्या. त्यात आरुष देसुरकरने 1 षटकार, 8 चौकारांसह 66, अथर्व करडीने 8 चौकारांसह 45 धावा केल्या. निनातर्फे अमरनाथ व सुप्रित यांनी प्रत्येकी 1 गडी बाद केला. प्रत्युत्तरादाखल खेळताना निनाने 25 षटकात 4 गडी बाद 158 धावाच केल्या. त्यात अजय लमानीने 7 चौकारांसह 67 तर कृष्णा पिसेने 37 धावा केल्या. आनंदतर्फे आरुष देसुरकरने 2 तर अवनीत चव्हाणने 1 गडी बाद केला