प्रतिनिधी / बेळगाव : रस्ता क्रॉस करते वेळी मागून आलेल्या ट्रकने धडक दिली. त्यामध्ये दुचाकीस्वराचा जागीच मृत्यू झाल्याची घटना धारवाड जिल्ह्यातील बेळगली क्रॉस नजीक घडली आहे.
महम्मद नवाझ (२९) असे त्या मृताचे नाव आहे. वेगाने आलेल्या ट्रकने धडक दिल्याने दुचाकी लांब जाऊन पडली. यामुळे गंभीर जखमी झालेले महम्मद नवाझ यांचा जागीच मृत्यू झाला. महम्मद नवाझ हे हुबळी तबीबलॅन्डचे रहिवाशी असून कामा निमित्त धारवाडच्या दिशेने ते जात होते. घटनेनंतर ट्रक चालक ट्रक सोडून पळून गेला आहे. घटनाक्रम सीसीटीव्हीत कैद झाला असून हुबळी ग्रामीण पोलीस स्थानकात या प्रकरणाची नोंद झाली आहे.
