राज्यस्तरीय जलतरण स्पर्धेत फॅशेनेट क्लबचे यश

बेळगाव : शिमोगा येथील मलनाडू येथे झालेल्या राज्यस्तरीय जलतरण स्पर्धेत बेळगाव फॅशेनेट स्पोर्ट्स अकादमीच्या जलतरणपटूंनी घवघवीत यश संपादन केले आहे. या स्पर्धेत स्वरा वांगेकरने ग्रुप 3 मध्ये 50 मी. बटरफ्लायमध्ये तिसरा, ओम पटुकलेने गट 4 मध्ये 50 मी. बॅकस्ट्रोकमध्ये दुसरा, नमन पाटीलने गट 7 मध्ये 50 मी. किकबोर्डमध्ये दुसरा त्याचप्रमाणे 50 मी. बॅकस्ट्रोकमध्ये तिसरा क्रमांक पटकाविला. क्रिशा कुलकर्णीने याच गटात 50 मी. फ्रिस्टाईल व 50 मी. बॅकस्ट्रोक तसच 50 मी. किकबोर्डमध्ये तिसरा क्रमांक पटकाविला. मुलांच्या 4×50 मी. रिले स्पर्धेत तिसरा क्रमांक पटकाविले. या स्पर्धेत साद काझी, सामी काझी, दर्श अंबरशेट व पारस कटांबले या खेळाडूंचा समावेश होता. तर मुलींच्या 4×50 मी. रिले स्पर्धेत दुसरा क्रमांक पटकाविले. त्यात सानवी जाधव, प्रार्थना वकुंड, सायली घुग्रेटकर, उन्नती वांगेकर या खेळाडूंचा समावेश होता. या सर्व खेळाडूंना संदीप मालाई, प्रशांत पाटील, वीरु गवळी यांचे मार्गदर्शन लाभत आहे.