हॉटेल नेटिव्ह येथे सकाळी 11 ते रात्री 8.30 या वेळेत राहणार सुरू
प्रतिनिधी/ बेळगाव
प्रतिष्ठित फॅशनिस्टा ग्रुप ऑफ एक्झिबिशन्सच्यावतीने मंगळवार दि. 24 ते बुधवार दि. 25 अखेर नेत्रदीपक फॅशनव्या प्रदर्शनाचे आयोजन करण्यात आले आहे. हे प्रदर्शन शहरातील हॉटेल नेटिव्ह येथे सकाळी 11 ते रात्री 8.30 वाजेपर्यंत होणार असून नागरिकांना फॅशन आणि जीवनशैलीच्या विविध ऑफर्स देण्यात येणार आहेत. फॅशनिस्टा आपल्या 8 व्या आवृत्तीसह बेळगावमध्ये पुन्हा एकदा नागरिकांना अनेक ऑफर्स देण्यासाठी सज्ज होत आहे.
फॅशनिस्टाची 2008 मध्ये स्थापना करण्यात आली. फॅशनिस्टा आपल्या अढळ उत्साहाने फॅशन समुदायाची सेवा करण्यासाठी समर्पित आहे. मुंबई, बेंगळूर, उज्जैन, पुणे, मदुराई, गागड, काश्मीर, बेळगावसह देशभरातील इतर शहरांमध्येही 25 हून अधिक डिझायनर्सनी त्यांची सृजनात्मक उत्पादने प्रदर्शित करण्यासाठी एकत्र येऊन काम केले आहे.
मेट्रो शहरे व बेळगावसारख्या दुसऱ्या श्रेणीतील शहरांमधील फॅशनची दरी कमी करण्याचा उद्देश फॅशनव्याचा आहे. हे साध्य करण्यासाठी फॅशनव्याच्या प्रदर्शनात प्रतिभावान डिझायनर्सनी तयार केलेले विविध प्रकारचे कपडे, दागिने, सौंदर्य उत्पादने, सौंदर्य प्रसाधने, परफ्यूम, गृहसजावट, भेटवस्तूंसह विविध वस्तूंचे प्रदर्शन करण्यात येणार आहे. या सर्व वस्तू म्हैसूरच्या स्टायलिश महिलांनी तयार केल्या आहेत.
फॅशनिस्टाला भारतातील बहुतेक दुसऱ्या श्रेणीतील शहरांमध्ये प्रदर्शन आयोजित केल्याबद्दल एक्झिबिशन्स एक्सलन्स अवॉर्ड्स 2024 मध्ये ‘बी-शहरांचा एक्का’ पुरस्काराने गौरविण्यात आले आहे. भारतातील प्रदर्शन कंपनींसाठी हा एक प्रतिष्ठित सन्मान आहे. फॅशनच्या सर्व गरजांसाठी एक टॉप सोल्यूशन असलेल्या फॅशनव्या पुन्हा एकदा बेळगाववर छाप सोडण्यासाठी सज्ज असून नागरिकांना एक नवीनतम ट्रेंड व नव्या शैलींचा आपल्या जीवनशैलीत समावेश करण्यासाठी सुवर्णसंधी असणार आहे.
