सांखळी : वरचे हरवळे येथे रविवारी दुपारी जोराचा पाऊस आणि वारा आल्याने तीन झाडांची पडझड होऊन सुमारे साडेचार लाख ऊपयांचे नुकसान झाल्याचा प्राथमिक अंदाज वर्तविण्यात येत आहे. या ठिकाणी जिल्हा पंचायत फंड वापरून देवस्थानसाठी उभारलेल्य सभागृहाचे नुकसान झाले. तसेच वीज खांबाचेही काही प्रमाणात नुकसान झाल्याची माहिती सरपंच अंकुश मळीक यांनी दिली. डिचोली अग्निशामक दिलच्या जवानांनी घटनास्थळी येऊन झाडे हटवली. उपलब्ध माहिती नुसार येथील देवस्थानच्या सामोरील सभागृहात सांखळी रवींद्र भवनात दांडिया खेळण्यासाठी जाणाऱ्या युवती या ठिकाणी राहिल्या होत्या. मात्र त्या जाताच मोठा पाऊस व वारा आला आणि या सभागृहावर मोठे झाड कोसळले. मात्र सुदैवाने मोठा अनर्थ टळला. धोकादायक झाडे कापण्यात यावी अशी नागरिकांची मागणी वारंवार येते मात्र काही तांत्रिक कारणांमुळे काही झाडे कापण्यास व्यत्यय निर्माण होतो. अश्या घटना होऊन नुकसान होते. मात्र सर्वांना विश्वासात घेऊन आम्हीं पंचायत मंडळ या विषयावर तोडगा काढण्याचा प्रयत्न करणार असे मत माजी सरपंच राजू मळीक यानी व्यक्त केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
