Fall in the stock market in Thursday's session

सेन्सेक्स व निफ्टी निर्देशांक घसरणीसह बंद : आयटीसी नुकसानीत

वृत्तसंस्था /मुंबई

भारतीय भांडवली बाजारातील चालू आठवड्यातील गुरुवारच्या सत्रात बीएसई सेन्सेक्स व एनएसई निफ्टी यांचे निर्देशांक प्रभावीत होत बंद झाले आहेत. दिग्गज कंपन्यांच्या मदतीने सेन्सेक्स जवळपास 388 अंकांनी कोसळला आहे. याचदरम्यान आयटीसीचे समभाग हे सर्वाधिक नुकसानीत राहिल्याचे दिसून आले. दिग्गज कंपन्यांच्या मदतीने गुरुवारी दिवसअखेर बीएसई सेन्सेक्स 388.40 अंकांसोबत 0.59 टक्क्यांनी प्रभावीत होत निर्देशांक 65,151.02 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी 99.75 अंकांनी घसरुन निर्देशांक 19,365.25 वर बंद झाला आहे. याचदरम्यान अदानी पोर्ट्सचे समभाग हे 4.43 टक्क्यांनी वधारले आहेत.

या कंपन्या घसरणीत

बीएसई सेन्सेक्समध्ये आयटीसीचे समभाग हे सर्वाधिक म्हणजे 2.04 टक्क्यांनी नुकसानीत राहिले आहेत. यावेळी पॉवरग्रिडकॉर्प, रिलायन्स इंडस्ट्रीज, लार्सन अॅण्ड टुब्रो, नेस्ले इंडिया, कोटक महिंद्रा बँक, बजाज फायनान्स, जेएसडब्ल्यू स्टील, टाटा मोर्ट्स, एनटीपीसी, अल्ट्राटेक सिमेंट, आयसीआयसीआय बँक, एचडीएफसी बँक, इन्फोसिस, इंडसइंड बँक, टीसीएस आणि हिंदुस्थान युनिलिव्हर यांचे समभाग नुकसानीसह बंद झाले. दुसऱ्या बाजूला बाजारात गुरुवारी टायटनचे समभाग हे सर्वाधिक 2.12 टक्क्यांनी तेजीत राहिले आहेत. यावेळी स्टेट बँक ऑफ इंडिया, बजाज फिनसर्व्ह, अॅक्सिस बँक, टाटा स्टील आणि सनफार्मा यांचे समभाग हे वधारुन बंद झाले. मुख्य क्षेत्रांच्या कामिगिरीमध्ये पीएसयू बँक वगळता अन्य सर्व क्षेत्रातील निर्देशांक हे घसरणीत राहिले आहेत. तसेच कॅपिटल गुड्स, ऊर्जा, एफएमसीजी आणि माहिती तंत्रज्ञान क्षेत्रांशीसंबंधीत निर्देशांक 0.3ते 0.9 टक्क्यांनी घसरुन बंद झाले. याचदरम्यान बीएसई मिडकॅप व स्मॉलकॅप यांचे निर्देशांक काहीशा तेजीसोबत बंद झाले. जागतिक बाजारात अमेरिका व युरोपातील बाजार घसरणीत होते.

समभाग वधारलेल्या कंपन्या