लोककल्पतर्फे कणकुंबी येथे नेत्रतपासणी शिबिर

बेळगाव : लोककल्प फौंडेशन व नंदादीप नेत्र रुग्णालय यांच्यावतीने कणकुंबी येथे नेत्रतपासणी शिबिर पार पडले. या शिबिराला स्थानिक नागरिकांचा मोठा प्रतिसाद मिळाला. यावेळी डोळ्यांची तपासणी आणि डोळ्यांची काळजी कशी घ्यावी याबाबत माहिती देण्यात आली. नेत्ररोग तज्ञांनी रुग्णांच्या डोळ्यांची तपासणी केली. मोतिबिंदू, काचबिंदू या सारख्या रुग्णांची तपासणी झाली. लोककल्प फौंडेशन गोरगरीब जनतेच्या डोळ्यांची काळजी घेण्यासाठी विशेष प्रयत्न करत आहे. या शिबिरातून डोळ्यांच्या आजारांचे निदान आणि उपचार केले गेले. यावेळी 103 हून अधिक जणांनी याचा लाभ घेतला. नेत्र तपासणीबरोबर रुग्णांमध्ये डोळ्यांच्या काळजीबाबत जागृती निर्माण करण्यात आली. याप्रसंगी लोककल्पचे प्रसाद आसुकर, संतोष कदम, अनंत गावडे, सुहासिनी पेडणेकर, परशुराम गावडे, नंदादीप आय केअर हॉस्पिटलचे आनंद, पीआरओ यासह कर्मचारी उपस्थित होते.